• Um Matargat
  • Selkot ljósmyndun
  • Myndasafn
    • Email
    • Facebook
    • Pinterest

Matargat

Ljúffeng lesning

Þú ert hérna: Forsíða / Uppskriftir / Kjötréttir / Kjúklinga enchiladas

Kjötréttir Uppskriftir

Kjúklinga enchiladas

enchiladas_feed

Kjúklinga enchiladas
 
Prenta
Undirbúningur
10 mínútur
Eldurnartími
60 mínútur
Samtals
1 tími 10 mínútur
 
Fyrir: 4
Hráefni
  • 4 kjúklingabringur
  • 1 laukur, saxaður
  • 1 dós sýrður rjómi
  • 115 gr. rifinn ostur
  • Kjúklingakrydd
  • Cajun krydd
  • 1 msk steinselja
  • ½ tsk oregano
  • ½ tsk svartur pipar
  • ½ tsk salt
  • 1 dós tómat sósa
  • ½ bolli vatn
  • 1 msk chili powder
  • ½ græn paprika, söxuð
  • 2 hvítlauksgeiri, saxaður
  • 8 tortillur
  • 1 krukka taco sósa
  • 85 gr. rifinn ostur
3.3.3070

 

Sterkur matur hefur lengi verið í miklu uppáhaldi hjá mér. Bestur finnst mér indverskur og tælenskur matur en fast á hæla þeirra kemur svo mexíkóskur matur. Ég hef hins vegar ekki verið nógu duglegur við að elda mér almennilegan mexíkóskan mat. Oftast hefur það verið einfalt Taco eða Buritos. Ég ákvað því prófa að gera Enchiladas. Eftir smá leit fann ég uppskrift sem mér leist ágætlega á og það sem meira var þá þurfti ég ekki að breyta henni mikið til að hún væri eins og ég vildi.

enchiladas_filling

Uppskriftin er frekar einföld en það tekur smá tíma að gera hana þannig að hún verði almennileg. Fyrst tók ég kjúklingabringurnar og stráði kjúklingakryddi og cajun kryddi á þær og steikti þær á pönnu þar til þær voru orðnar steiktar í gegn. Á meðan þær voru að steikjast saxaði ég niður laukinn, paprikuna og hvítlaukinn. Þegar kjúklingurinn var tilbúinn tók ég hann og skar hann niður í bita og setti hann á pönnuna aftur ásamt lauknum. Þetta fékk að malla þar til laukurinn var farinn að verða glær og þá var sýrða rjómanum og fyrri skammtinum af ostinum bætt við. Þegar osturinn var svo bráðnaður bætti ég paprikunni, hvítlauknum, kryddinu, tómatsósunni og vatninu og hrærði þar til allt var orðið vel blandað saman. Það er síðan alveg óhætt að leyfa þessu að malla aðeins á lágum hita en þá þarf að passa að hræra annað slagið.

enchiladas_raw

Þegar fyllingin var tilbúin tók ég tortilla kökur og setti mátulegan skammt af fyllingunni á hann, braut svo saman og setti í eldfast mót sem ég var búinn að smyrja að innan. Þegar allar kökurnar voru komnar í mótið hellti ég sterkri taco sósu yfir og stráði svo restinni af ostinum yfir. Fyrir þá sem eru ekkert mikið fyrir mjög sterkan mat er um að gera að nota mildari taco sósu en þar sem mér finnst mjög gott að hafa svona rétti mjög sterka notaði ég sterkustu sósuna sem ég fann. Þetta fór svo í 175° heitan ofn í 20-25 mínútur eða þar til osturinn var orðinn vel bráðnaður. Það er síðan mjög gott að leyfa þessu að standa í um 10 mínútur eftir að þetta er tekið úr ofninum.

enchiladas_cooked

Með þessu er svo klassískt að hafa hrísgrjón og gott ferskt salat. Einnig er mjög fínt að hafa sýrðan rjóma og guacamole, tala nú ekki um ef þið notið sterka taco sósu því þá slær það á mesta styrkinn.

Share this:

  • Post

Like this:

Like Loading...


Skilja eftir athugasemd

« Saltkjöt og baunir
Fylltar kjúklingabringur »

Skildu eftir svar Hætta við svar

Netfang þitt verður ekki birt. Nauðsynlegir reitir eru merktir *

Time limit is exhausted. Please reload the CAPTCHA.

  • Heim
  • Uppskriftir
    • Fiskréttir
    • Kjötréttir
    • Pasta
    • Súpur
  • Bakstur
  • Veitingahús
  • Fróðleikur

Flokkar

  • Bakstur
  • Fiskréttir
  • Fróðleikur
  • Kjötréttir
  • Pasta
  • Súpur
  • Uppskriftir
  • Veitingahús

Fróðleikur

Hvernig á að halda á hníf

Vinsælustu uppskriftirnar

Kjúklingur í hvítvínssósu

posted in Kjötréttir, Uppskriftir

Eggjakaka

posted in Kjötréttir, Uppskriftir

Pizza

posted in Kjötréttir, Uppskriftir

Borgari

posted in Kjötréttir, Uppskriftir

Eldunartími á kjöti

posted in Fróðleikur

Áhugaverðar uppskriftir og fróðleikur

Áramótaforrétturinn

Lax í Mango Chutney

Kjúklingaschnitzel með kaldri piparsósu

Tikka Masala kjúklingur

Pizza

Copyright © 2025 · Divine theme by Restored 316

Copyright © 2025 · Divine Theme on Genesis Framework · WordPress · Innskráning

%d